أركض جاي أزور حسين
وبروحي الطريق امشيه
أوصل كربله أبلهفه
مثل الضايع وألكيه
ماجاي ارد ابوس الباب
لاشباج أجلب بيه
ولاعندي دعه وأقراه
واوكف ساعتين أدعيه
ولاعندي نذر وانخاه
ومن ينطي المراد أوفيه
أريد أنزل الكبر حسين
أريد اهناك أعاين ليه
أريد اكعد كبال حسين
وشعندي حزن أحجيه
اريد اكعد كبال حسين
وشبيه دمع أبجيه
أريد اوكع على رجليه
وحط خدي على رجليه
وشك ثوبي وشيل اتراب
لو شفت التراب أعليه
أكله اهنا جرح بيه
بس بثارك اتدوايه
كلب بلجن أحب صدره
وشم نحره وحب ايديه
جبيره شلون احب صدره
أظل مجلب ابرجليه
اخوكم
خادم أهل البيت (ع)
صباح التلعفري
![[b]ياحسين الشهيد[/b] Empty](https://2img.net/i/empty.gif)
موضوع: [b]ياحسين الشهيد[/b] ![[b]ياحسين الشهيد[/b] I_icon_minitime](https://2img.net/s/t/10/04/47/i_icon_minitime.gif){kind=icon}
الأربعاء أكتوبر 06, 2010 12:22 pm
